• hasi saioa

    Idatzi zure erabiltzaile-izena

    Idatzi zure erabiltzaile-izenaren pasahitza

  • erregistroa

Elikadura Eskolak hainbat heziketa-baliabide eskaintzen ditu, arreta handiz aukeratuak guztiak ere, elikadura osasungarriaren gaia lantzeko eta eskola-umeen artean kirola sustatzeko, haur hezkuntzatik batxilergoraino: liburuak, ipuinak, jolasak, aplikazioak, bideoak, komikiak, jolas interaktiboak eta infografiak.

Kanpo-material hori Elikadura Eskolako adituek hautatu dute (web-orrian bertan eskuratu daiteke), eta aldizka erabiltzeko baliabide berriak eskaintzen dizkie irakasleei eta hezitzaileei, ikasleekin landu dezaten, modu dibertigarri eta didaktikoan, zein garrantzitsua den bizimodu osasungarria egitea.

Con la comida sí se juega

  • Con la comida sí se juega
  • juego online alimentacion
  • juego online alimentacion pirámide nutricion
Adina: 
Lehen Hezkuntzako ikasleak.
Baliabideko hizkuntza: 
Gaztelania
Zer balio lantzen dituen: 
Elikadura osasuntsua
Deskribapena:

Con la comida sí se juega elikadura osasuntsuaren inguruko online-jolasa da, Lehen Hezkuntzako ikasleei zuzendua. Panpin neutroa da protagonista (ez mutila, ez neska; ez argala, ez lodia), eta galderak luzatzen ditu trivialean bezala jatorduetako ohituren inguruan.
Jolasean ageri diren eskenatokiak interesgarriak dira ohikoak direlako: etxeko sukaldea, ikasgela, ikastetxeko jolastokia eta kirolerako zelaia.

Horrela, jolasak aurre hartuko die haurrek elikagai-aukeraketa egiteko eguneroko egoerei: fruta-alea eta otarteko osasungarria edo opil industriala? Panpinak, nola ez, lehen aukera egitera bideratzen ditu haurrak.

Galdera sorta bakoitzaren amaieran, aplikazioak bizimodu osasungarriaren piramidea osatzeko eskatzen die ikasleei, ezagutzak hobeto barneratzeko. Horretarako, jokalariek elikagaiak eta ohiturak –hala nola, kirola egitea edo eskolara oinez joatea- piramidean jarri beharko dituzte, aholkatutako maiztasunaren arabera.

Jolasak berebiziko garantiza eskaintzen dio gosariari, haurren dieta ez-orekatuen gabezirik garrantzitsuena baita.

Con la comida sí se juega elkarreraginezko jolas erraz eta hezitzailea da, askorik sakondu gabe bada ere, haurrak elikadura osasuntsuaren ohituretara hurbiltzeko.

Hau ere zure interesekoa izan daiteke