Which way do I go? (Norantza noa?) jolas aktiboa da, ingelesez dago, eta ariketa fisikoa sustatzen du gizentasuna saihesteko. Haur eta lehen hezkuntzako ikasleekin kalean edo barruko toki zabal batean egiteko prestatuta dago.
Kids Health umeen fundazioak sortutako jolas honek, sortuta dauden maketa batzuetatik hartuta, zenbait seinale moztea proposatzen du, eta horien barruan mugimendu-norantzako bat idaztea. Adibidez, forward (aurrerantza), backward (atzerantza), sideways (alde batera) eta abar.
Seinaleak moztu egin behar dira, eta atzetik plastikozko lastotxo bat - irabiatuak hartzeko erabiltzen diren horiek- itsatsi behar zaie, zinta isolatzailearekin. Maketak fitxan agertzen den estekan daude eskuragarri.
Umeetako batek hartuko ditu seinaleak, eta, momentu berean, beste ikasle batek –edo irakasleak- ekintza bat aukeratuko du. Ekintza hori ozen esan beharko da, denek gorputzarekin egin dezaten: adibidez, jump (egin salto), run (egin korrika) eta abar. Seinaleak dituen ikasleak horietako bat altxatuko du, ekintza norantza egin behar den adierazteko.
Irakasleak jolas aktibo hau ikasgelan gizentasuna saihesteko saioetan erabiltzea proposatzen da, horrela, modu praktikoan ariketa fisikoak bizi ohitura osasungarriak izateko duen garrantzia landuko da.
