• hasi saioa

    Idatzi zure erabiltzaile-izena

    Idatzi zure erabiltzaile-izenaren pasahitza

  • erregistroa

Elikadura Eskolak hainbat heziketa-baliabide eskaintzen ditu, arreta handiz aukeratuak guztiak ere, elikadura osasungarriaren gaia lantzeko eta eskola-umeen artean kirola sustatzeko, haur hezkuntzatik batxilergoraino: liburuak, ipuinak, jolasak, aplikazioak, bideoak, komikiak, jolas interaktiboak eta infografiak.

Kanpo-material hori Elikadura Eskolako adituek hautatu dute (web-orrian bertan eskuratu daiteke), eta aldizka erabiltzeko baliabide berriak eskaintzen dizkie irakasleei eta hezitzaileei, ikasleekin landu dezaten, modu dibertigarri eta didaktikoan, zein garrantzitsua den bizimodu osasungarria egitea.

La alimentación de tus niños y niñas: nutrición saludable de la infancia a la adolescencia.

Argitalpena: 
Corporación multimedia
Baliabideko hizkuntza: 
Gaztelania
Prezioa: 
Doakoa, PDF formatuan eskuragarri.
Hartzaileak: 
Deskribapena:

La alimentación de tus niños y niñas gurasoentzako, aiton-amonentzako, hezitzaileentzako edo haurren dietan ardura dutenentzako liburua da.
Hizkuntza errazarekin eta helburu pedagogikoarekin, gidak haurren elikaduraren oinarrizko jarraibideak aztertzen ditu eskola-epean. Txikien elikadura-beharrizanei tentuz erreparatzen die: zenbat proteina, bitamina eta karbohidrato behar dituzten egunean, eta zenbat energia behar duten.

Helduek haurrentzako asteko menuak prestatzeko aholku ugarirekin egingo dute topo. Informazioa koadro ikusgarriekin eta informazio grafiko ugarirekin (irudiak eta argazkiak) ageri da elikagaiak ezaugarrien arabera identifikatu ahal izateko.

Liburuak zenbait trikimailu eta jarraibide ere azaltzen ditu, haurrei elikadura-ohitura osasuntsuak izatearen garrantzia irakasteko. Gida honek erraztu egiten du etxeko txikienen otordu osasuntsuak prestatzea.

Hau ere zure interesekoa izan daiteke