• iniciar sesión
    Escriba o seu nome de usuario Enerxía para medrar.
    Escriba o contrasinal asignado ao seu nome de usuario.
  • rexistro

Os recursos educativos da Escola de Alimentación inclúen unha coidada selección de libros, contos, xogos, apps, vídeos, cómics, xogos interactivos e infografías para traballar a alimentación saudable e o fomento do deporte cos escolares, dende a educación infantil ata o bacharelato.

Este material externo, dispoñible na web, proporciónalles aos profesores e educadores novos recursos periódicos escollidos polo equipo da Escola, co fin de lles transmitir a importancia dunha vida sa aos seus alumnos e alumnas, do xeito máis divertido e didáctico.

Unha horta na casa.

  • Un huerto en casa
  • Libro huertos escolares
  • Libro educativo huertos primaria
  • Libro alimentación primaria
  • Libro y juegos alimentación primaria
Editorial: 
Combel editorial.
Idioma do recurso: 
Castelán
Prezo: 
19,50 euros.
Destinatarios: 

Nenos e nenas a partir de seis anos.

Descrición:

O libro Unha horta na casa desprégase como un xogo que, xa dende a portada, convida aos nenos e nenas a descubrir de onde veñen alimentos como as leitugas, as cenorias ou os amorodos.
Unha horta na casa explica da man de Xenxo como plantar unha horta urbana na terraza da casa, paso a paso: desde a elección das sementes e a colocación dos testos ata o intre de recoller os froitos da colleita.
O libro-xogo educativo contén un calendario do horticultor infantil (con adhesivos para seguir o desenvolvemento da colleita), un xogo de cartas da horta (para emparellar e memorizar as distintas froitas, verduras e ferramentas) e unha roda da horta para descubrir cando sementar e recoller os froitos.
Cunha edición moi coidada -e entrañables ilustracións de Helena Delgado, que asemellan personaxes modelados con plastilina- este conto resulta un delicado traballo educativo que divertirá aos nenos e nenas mentres aprenden a comer san.