• iniciar sesión
    Enter your e-mail address or username.
    Enter the password that accompanies your e-mail.
  • rexistro

Os recursos educativos da Escola de Alimentación inclúen unha coidada selección de libros, contos, xogos, apps, vídeos, cómics, xogos interactivos e infografías para traballar a alimentación saudable e o fomento do deporte cos escolares, dende a educación infantil ata o bacharelato.

Este material externo, dispoñible na web, proporciónalles aos profesores e educadores novos recursos periódicos escollidos polo equipo da Escola, co fin de lles transmitir a importancia dunha vida sa aos seus alumnos e alumnas, do xeito máis divertido e didáctico.

Alimentación saudable

  • Vídeos Alimentación saludable
  • Vídeos alimentación sana primaria y secundaria.
  • Vídeos educativos para niños
  • Vídeos prevenir obesidad
  • Vídeos de consumo responsable colegios
Idade: 
Alumnos de últimos cursos de primaria e de secundaria.
Idioma do recurso: 
Castelán
Duración: 
5 minutos
Valores que traballa: 
A importancia da alimentación sa e como poñela en práctica. Consumo responsable.
Descrición:

Alimentación saudable é un traballo de animación moi didáctico, que repasa polo miúdo as necesidades nutricionais dos nenos e nenas mentres lles ensina que facer para se alimentaren dun xeito san.
O vídeo revisa, en pouco máis de cinco minutos, as funcións dos diferentes tipos de alimentos, o labor dos nutrientes para o funcionamento do corpo humano e mais as consecuencias negativas da mala nutrición.
A animación lembra cales son as comidas recomendadas durante o almorzo, recreo, xantar, merenda e cea; e introduce prácticas regras para que os escolares coñezan a proporción de cada tipo de alimentos que deben inxerir se queren manter unha alimentación saudable.
Este recurso educativo tampouco esquece lembrar o impacto que os nosos hábitos de consumo teñen sobre o medio natural, cun repaso á coñecida regra dos tres erres: reducir, reutilizar e reciclar.

Trátase dunha práctica lección, en formato de vídeo de animación, que pode resultar un material didáctico de apoio moi útil para aqueles profesores que traballen conceptos como a pirámide nutricional ou os bos hábitos alimentarios cos seus alumnos.

Tamén che pode interesar