Food Pyramid for Children (A Pirámide Nutricional para nenos) é un capítulo da serie didáctica Nellie and Ned, programa educativo protagonizado por unha singular parella formada por un monicreque e mais unha rapaza de carne e óso.
Neste episodio, o peculiar dúo estará acompañado por un profesor-monicreque, que vai ser o encargado de repasar os segredos da pirámide nutricional: como funciona e que significa cada nivel.
Este divertido mestre explicará, ademais, por que os carbohidratos se colocan ao final da pirámide nutricional. E cantas porcións de cada tipo de alimentos precisan comer os nenos e nenas para medraren sans e teren enerxía abonda na escola.
Divertido e moi educativo, este vídeo apoia contidos específicos do currículo escolar, en concreto os referidos á importante pirámide nutricional. En consecuencia, servirá de axuda a alumnos e profesores de escolas inglesas ou bilingües de lingua inglesa, que ensinen a alimentación saudable nas súas aulas.
