• iniciar sesión
    Enter your e-mail address or username.
    Enter the password that accompanies your e-mail.
  • rexistro

Os recursos educativos da Escola de Alimentación inclúen unha coidada selección de libros, contos, xogos, apps, vídeos, cómics, xogos interactivos e infografías para traballar a alimentación saudable e o fomento do deporte cos escolares, dende a educación infantil ata o bacharelato.

Este material externo, dispoñible na web, proporciónalles aos profesores e educadores novos recursos periódicos escollidos polo equipo da Escola, co fin de lles transmitir a importancia dunha vida sa aos seus alumnos e alumnas, do xeito máis divertido e didáctico.

Hello Kitty, malos modais

  • Vídeo Hello Kitty, malos modales
  • Vídeos alimentación sana para niños
  • Vídeos educativos para niños
  • Vídeos educativos para niños
Idade: 
Alumnos de infantil e primaria.
Idioma do recurso: 
Castelán
Duración: 
7 minutos
Valores que traballa: 
A importancia da coidar os modais na mesa, como lección complementaria a unha alimentación saudable.
Descrición:

A gatiña Kitty, coñecido personaxe creado pola xaponesa Yuko Yamaguchi, ensínalles neste episodio de animación aos nenos e nenas de educación infantil e primaria o importante que é coidar os modais na mesa durante as comidas.
Kitty aínda non sabe sentar coas costas apoiadas no respaldo da cadeira e, ademais, come a gran velocidade. Tampouco aprendeu a coller o garfo da maneira axeitada, polo que as diferentes porcións de comida do seu prato chimpan, e mesmo caen ao chan como consecuencia das arremetidas propinadas pola gatiña.
Os pais de Kitty lembraranlle o importante que é coidar os modais na mesa. E a súa irmá Minnie ensinaraa a comer máis devagar, a sentar correctamente na cadeira e mais a utilizar o garfo con xeito. Unha importante lección que a famosa gata aprenderá xunto cos nenos e nenas que vexan este material.

Tamén che pode interesar