Este vídeo conta a historia de Gus, un pequeno verme que vive nunha fraga co resto da súa familia, pero ao que non lle gusta comer a froita que a súa nai lle preparara.
Mais un día Gus atopa no bosque unha pequena froita descoñecida á que confunde cun balón. Ao xogar con ela e sentir o seu arrecendo, o pequeno verme proba a froita e... descobre que lle gusta moito!
Este vídeo é participativo e permítelles aos nenos e nenas unha aprendizaxe interactiva e divertida; xa que lles lanza preguntas sinxelas que os escolares poderán contestar durante o visionado, e así comprobar que aprenderon a lección das froitas.
O vídeo-conto remata, ademais, cunha divertida canción-karaoke. En resumo: O twist das froitas é un entretido recurso educativo para fomentar o consumo de froitas entre os alumnos de primaria e infantil.