• iniciar sesión

    Escriba o seu nome de usuario Enerxía para medrar.

    Escriba o contrasinal asignado ao seu nome de usuario.

  • rexistro

Os recursos educativos da Escola de Alimentación inclúen unha coidada selección de libros, contos, xogos, apps, vídeos, cómics, xogos interactivos e infografías para traballar a alimentación saudable e o fomento do deporte cos escolares, dende a educación infantil ata o bacharelato.

Este material externo, dispoñible na web, proporciónalles aos profesores e educadores novos recursos periódicos escollidos polo equipo da Escola, co fin de lles transmitir a importancia dunha vida sa aos seus alumnos e alumnas, do xeito máis divertido e didáctico.

Activilandia

  • juegos online Alimentraining
  • juegos educativos contra obesidad
  • Juegos educativos deporte colegios
  • canciones de actividad física
  • prevenir la obesidad niños
Idade: 
Alumnos de educación primaria.
Idioma do recurso: 
Castelán
Valores que traballa: 
Promover unha alimentación saudable e reducir o sedentarismo.
Descrición:

Activilandia é un enorme parque de atraccións online, con recursos didácticos e xogos interactivos que fomentan a alimentación saudable e uns hábitos de vida máis activos entre os escolares de educación primaria.
Os contidos que inclúe este gran parque educativo online son numerosos e moi variados. A plataforma Activilandia incorpora desde xogos en liña nos que un peculiar astronauta, chamado Sportacos, anima a practicar deporte ata unhas clases de cociña interactiva para os escolares, co simpático cociñeiro Pablo Fantástico.
Outro recurso interesante da plataforma é o xogo online de escalada chamado Desafío Volcánico, que lles ensina aos nenos e nenas a importancia de escoller alimentos saudables para estar fortes cando practican deporte.
Ademais, inclúe fichas de material didáctico para utilizalas na aula, así como actividades de xogo ao aire libre, para seguir a traballar a importancia do deporte e da alimentación saudable na vida real dos alumnos e alumnas.

Tamén che pode interesar