• iniciar sesión
    Enter your e-mail address or username.
    Enter the password that accompanies your e-mail.
  • rexistro

Os recursos educativos da Escola de Alimentación inclúen unha coidada selección de libros, contos, xogos, apps, vídeos, cómics, xogos interactivos e infografías para traballar a alimentación saudable e o fomento do deporte cos escolares, dende a educación infantil ata o bacharelato.

Este material externo, dispoñible na web, proporciónalles aos profesores e educadores novos recursos periódicos escollidos polo equipo da Escola, co fin de lles transmitir a importancia dunha vida sa aos seus alumnos e alumnas, do xeito máis divertido e didáctico.

A pirámide de Alicia

  • juegos alimentación La pirámide de Alícia
  • juegos educativos alimentación sana
  • Juegos educación primaria alimentación
Idade: 
Alumnos de educación primaria.
Idioma do recurso: 
Castelán
Valores que traballa: 
Alimentación saudable e actividade física para previr a obesidade infantil.
Descrición:

A pirámide de Alicia é un xogo-recortable, construído en papel, que lles ensina aos alumnos e alumnas de educación primaria qué hai que comer para estar sans e mais a importancia do deporte para evitar a obesidade infantil.
Este recortable dos hábitos saudables conta con catro caras animadas, que lles propoñen, por medio de bonecos e debuxos, as seguintes cuestións aos escolares: que comes?, como se cociña?, como comes? e móveste dabondo?
Os alumnos pódeno imprimir, pegar nunha cartolina dura e recortar, para se entreteren despois coa montaxe da figura na súa forma definitiva: unha pirámide dos hábitos de vida saudables, que poderá permanecer nos seus pupitres durante as clases de alimentación sa. A maqueta está dispoñible no enlace incluído na ficha.
A cara que comes? amosa a clásica pirámide nutricional, co fin de lles servir aos escolares de referencia durante as leccións de alimentación. Pola súa banda, o lateral como se cociña? advírteos de que o xeito de preparar os alimentos tamén inflúe á hora de decidir con que frecuencia os podemos comer.
A cara como comes? Lémbralles aos nenos e nenas a importancia dos bos hábitos na mesa; e, para rematar, o lado móveste abondo? reflexiona sobre a importancia da actividade física entre os escolares, co fin de previr a obesidade.
A pirámide de Alicia, creada pola Fundación Alicia, é un recurso didáctico que pretende converterse nun amigable material gráfico de apoio da alimentación saudable para os alumnos e alumnas de educación primaria.

Tamén che pode interesar