Make me a genious: Our Food (Faime un xenio: A nosa comida)

Este vídeo didáctico para alumnos de primaria, e en inglés, explica coa axuda de divertidos personaxes de animación o importante que é alimentarse de maneira sa e reducir o consumo de comidas pouco nutritivas, como algunhas pizzas ou as patacas fritidas.
A animación é interesante porque serve de apoio directo a algúns contidos do currículo escolar. Tamén lles axudará aos escolares a fixaren os coñecementos en materia de alimentación estudados na clase.
Entre os contidos educativos que repasa o vídeo están os tipos de alimentos e a función das comidas. Con este vídeo, ademais, será un pracer para os nenos e nenas aprender os segredos da pirámide nutricional, mentres fixan algúns coñecementos da lingua inglesa.
Entretido, e moi didáctico, este capítulo da serie educativa infantil Make me a Genious pódelles resultar de grande axuda a profesores e mestres que aborden a alimentación saudable nas súas clases a través da lingua inglesa.