Os recursos educativos da Escola de Alimentación inclúen unha coidada selección de libros, contos, xogos, apps, vídeos, cómics, xogos interactivos e infografías para traballar a alimentación saudable e o fomento do deporte cos escolares, dende a educación infantil ata o bacharelato.
Este material externo, dispoñible na web, proporciónalles aos profesores e educadores novos recursos periódicos escollidos polo equipo da Escola, co fin de lles transmitir a importancia dunha vida sa aos seus alumnos e alumnas, do xeito máis divertido e didáctico.
Trátase dun conto para transmitir valores sobre a vida saudable e a alegría.
A ensinanza deste conto é que a obsesión co peso e o aspecto físico son a forma de asegurarse o mal humor e xerar problemas de saúde.
Está ambientado na selva e os personaxes son unha báscula e os animais da selva.
