• iniciar sesión
    Enter your e-mail address or username.
    Enter the password that accompanies your e-mail.
  • rexistro

Os recursos educativos da Escola de Alimentación inclúen unha coidada selección de libros, contos, xogos, apps, vídeos, cómics, xogos interactivos e infografías para traballar a alimentación saudable e o fomento do deporte cos escolares, dende a educación infantil ata o bacharelato.

Este material externo, dispoñible na web, proporciónalles aos profesores e educadores novos recursos periódicos escollidos polo equipo da Escola, co fin de lles transmitir a importancia dunha vida sa aos seus alumnos e alumnas, do xeito máis divertido e didáctico.

Barrio Sésamo: A moverse xuntos

  • A moverse juntos
  • A moverse juntos juegos
  • Juegos escolares
Idade: 
Alumnos de infantil e cursos iniciais de primaria.
Idioma do recurso: 
Castelán
Valores que traballa: 
Prevención da obesidade a través da actividade física saudable.
Descrición:

Barrio Sésamo: A moverse xuntos é un xogo-poema que fomenta a actividade física como medio de prevención da obesidade, pensado para xogar con alumnos e alumnas de educación infantil e primaria ao aire libre ou nun espazo interior amplo. Epi, o coñecido monicreque da serie televisiva Barrio Sésamo, será o encargado de motivar os escolares. A proposta consiste en imprimir o xogo-poema da actividade física A moverse xuntos (dispoñible no enlace da ficha, na páxina 11), e colgalo nun lugar visible para todo o grupo de alumnos. A idea é que o profesor lea o poema nun lugar amplo, que lles permita aos escolares moverse con liberdade. Os versos citan accións como baila!, corre! e ¡salta! Cada vez que o titor recite unha estrofa que conteña unha acción, os escolares deben realizala. A moverse xuntos, creado pola asociación Sesame Workshop, é un orixinal xogo, doado de pór en práctica, que fomentará a actividade física saudable entre os escolares dun xeito moi divertido.

Tamén che pode interesar