Descripción
A cociña encontada, de Teresa Pérez Hernández, introduce a imaxinación e os contos na cociña, co fin de lles transmitir aos escolares o valor de alimentación saudable e da gastronomía.
Receitas e contos comparten espazo nas páxinas que conforman este coidado traballo ilustrado, con relatos protagonizados por nenos e nenas, pero tamén por animais e personaxes fantásticos, como o mago Merlín.
O receitario infantil inclúe pratos da cociña tradicional -como os caldos caseiros- sen esquecerse doutros máis orixinais e novidosos, como as empanadas de polo e piña ou as rodas de berenxena crocante.
As receitas do libro pódense usar nos obradoiros de cociña saudable das escolas, xa que, ademais, están zarrapicadas de curiosidades históricas, suxestións de preparación e inclúen información nutricional. Este libro, en consecuencia, resulta un orixinal recurso de traballo para escolares, xa que combina o amor pola gastronomía co amor polos libros.
Editorial
Libros del Zorro Rojo/Ministerios de Educación e Sanidade.Precio
12.00€Enlace
A cociña encontada.Destinatarios
7 urtetik gorako haurrak