NUSI Araban dagoen arrain-haztegi bat da, ortzadar-amuarrainaren hazkuntzan aritzen dena. Sektoreko baliabide teknologiko punta-puntakoenak ditu arrainaren ahalik eta kalitate handiena lortzeko: amuarrain osoa, amuarraina triparik gabe eta izokin-amuarraina.
NUSIra egiten den bisitan arrain-haztegi baten funtzionamendua ezagutuko dugu, amuarrainak nola hazten diren eta nolako zainketa egin behar den tamaina egokia har dezaten: amuarrain motak, elikadura, sailkapena... Prozesu osoa ezagutuko dugu, eta nola zaindu behar diren merkatuetara baldintza optimoetan irits daitezen.
Ikasleek esperientzia gogoangarri bat izango dute, baita ere, arrain-haztegian bertan arrantza egiteko dagoen aintziran.
Helburuak
- Nekazaritzako elikagaien ekoizle bat ezagutzea, baita merkaturatzen duen produktua ere.
- Kontziente izatea bertako produktuak kontsumitzearen garrantziaz.
Gako gaitasunak
- Hizkuntza komunikazioa.
- Ikasten ikastea.
- Gizarte eta gizalegezko gaitasunak.
- Kontzientzia eta adierazpide kulturalak.
Jarduerak
Jarduera hauek banaka edo talde txikitan egin daitezke, eta oso onuragarria da ikasle guztiek egindako lana elkarrekin partekatzea.
- Arrain espezieak ikasten ditugu.
- Zortzi arrazoi arraina jateko.
- Jarraitu aztarnei.
- Muralak egiten ditugu.
