• hasi saioa

    Idatzi zure erabiltzaile-izena

    Idatzi zure erabiltzaile-izenaren pasahitza

  • erregistroa

Elikadura Eskolak hainbat heziketa-baliabide eskaintzen ditu, arreta handiz aukeratuak guztiak ere, elikadura osasungarriaren gaia lantzeko eta eskola-umeen artean kirola sustatzeko, haur hezkuntzatik batxilergoraino: liburuak, ipuinak, jolasak, aplikazioak, bideoak, komikiak, jolas interaktiboak eta infografiak.

Kanpo-material hori Elikadura Eskolako adituek hautatu dute (web-orrian bertan eskuratu daiteke), eta aldizka erabiltzeko baliabide berriak eskaintzen dizkie irakasleei eta hezitzaileei, ikasleekin landu dezaten, modu dibertigarri eta didaktikoan, zein garrantzitsua den bizimodu osasungarria egitea.

The Importance of Healthy Food (Elikadura osasuntsuaren garrantzia)

  • The Importance of Healthy Food- La importancia de una alimentación sana
  • Vídeos alimentación sana para niños
  • Vídeos educativos para niños en inglés
  • Vídeos prevenir obesidad
  • Vídeos infantiles
Adina: 
Haur Hezkuntzako eta Lehen Hezkuntzako lehen mailetako ikasleak.
Baliabideko hizkuntza: 
Ingelesa
Iraupena: 
6 minutu.
Zer balio lantzen dituen: 
Elikadura osasuntsua eta haurren gizentasuna ekiditea.
Deskribapena:

Bideo hezitzaile honek osasuntsu elikatzea eta elikagai gutxiko janari kaloriatsuak murriztea zein garrantzitsua den azaltzen die, Haur Hezkuntzako eta Lehen Hezkuntzako ikasleei.

Ingelesez, astiro eta azpititulukin, Max-en istorioa kontatzen digu animazioak. Hanburgesak, txokolatea eta patata frijituak jatea maite duen haurra da Max, guztiak “zabor-jana” deritzenak.

Amak jaki horiek jan ditzakeela esaten dio, baina noizbehinka baino ez. Elikadura janari osasuntsu eta orekatuetan oinarritu behar duela azaltzen dio: barazkiak, okelak, arrainak, etab. Esandakoek, ordea, errealitatean gertatu ohi den legez, ez dute beharreko eraginik mutikoarengan.

Amak, orduan, Ralf txakurra egokientzat jotzen duen erara elikatzeko agintzen dio Max-i. Mutikoak, zalantzarik gabe, berak jaten dituen patata frijituak eskainiko dizkio. Txakurra berehala gaixotuko da, eta lehengo energia eta alaitasuna galduko ditu.

Max-i berdin gertatuko zaio, elikadura okerraren eraginez loditu eta loditu egingo baita. Zorionez, elikadura osasuntsuari esker, Max-ek eta txakurrak galdutako osasuna eta alaitasuna berreskuratuko dituzte.
The Importance of Healthy Food Haur Hezkuntzako eta Lehen Hezkuntzako eskola-curriculuma indartzen duen bideo didaktikoa da, ikastetxe ingelesetarako edo elebidunetarako egokia.

Hau ere zure interesekoa izan daiteke