• hasi saioa

    Idatzi zure erabiltzaile-izena

    Idatzi zure erabiltzaile-izenaren pasahitza

  • erregistroa

Elikadura Eskolak hainbat heziketa-baliabide eskaintzen ditu, arreta handiz aukeratuak guztiak ere, elikadura osasungarriaren gaia lantzeko eta eskola-umeen artean kirola sustatzeko, haur hezkuntzatik batxilergoraino: liburuak, ipuinak, jolasak, aplikazioak, bideoak, komikiak, jolas interaktiboak eta infografiak.

Kanpo-material hori Elikadura Eskolako adituek hautatu dute (web-orrian bertan eskuratu daiteke), eta aldizka erabiltzeko baliabide berriak eskaintzen dizkie irakasleei eta hezitzaileei, ikasleekin landu dezaten, modu dibertigarri eta didaktikoan, zein garrantzitsua den bizimodu osasungarria egitea.

Barrio Sesamo: Energiaren dantza

  • Juego Barrio Sésamo: El baile de la energía
  • juegos educativos alimentación sana
  • Juegos educativos alimentos  primaria
Adina: 
Haur hezkuntzako eta lehen hezkuntzako lehenengo ikasturteetako ikasleak.
Baliabideko hizkuntza: 
Gaztelania
Zer balio lantzen dituen: 
Umeek ulertuko dute elikagaiek ariketa fisikoa egiteko beharrezkoa den energia ematen dietela.
Deskribapena:

Barrio Sesamo: Energiaren dantza haur eta lehen hezkuntzako ikasleei elikagai osasungarriek ariketa fisikoa egiteko behar duten energia ematen dietela irakasten dien musika-jolasa da.

Elikadura osasungarriari buruzko jolas honen bidez umeek dantza egingo dute, ikasiko dute janariak energia-iturri bezala baduela garrantzia, eta irudimenezko jolasean parte hartuko dute. Dantza-jolasak elikagai osasungarriei buruz dituen fitxak inprimatu behar dira (arrautzak, brokolia, laranjak, jogurtak eta abar), eta, moztu baino lehen, kartoi gogorrean itsatsi. Fitxak fitxan agertzen den estekan daude eskuragarri, 33. orrialdean.

Umeak toki zabal batean biltzen dira, jolastokian edo gela zabal batean. Irakasleak musika jarriko du eta dantzatzera animatuko ditu. Tartetxo bat pasatu ondoren, irakasleak bolumena jaitsi behar du pixkanaka-pixkanaka: bolumena entzun ezin denean, ikasleei azalduko zaie “energia gabe” geratu direla.

Zer egin behar dute, beraz, galdu duten energia berreskuratu eta dantzan jarraitzeko? Ikasleek arrazoitu beharko dute fitxetako elikagai osasungarriak jan behar dituztela: gakoa aurkitzen dutenean, dantzan jarraitu ahal izango dute!

Barrio Sesamo: Energiaren dantza Sesame Workshop elkarteak sortua da. Jolas berezia da, praktikan jartzeko erraza, eta irakasleari aukera ematen diona bere ikasleekin oso modu dibertigarrian (eta aktiboan) elikagai osasungarrien garrantzia lantzeko.

Hau ere zure interesekoa izan daiteke