Cool food planet é unha interesante plataforma educativa de xogos online, en inglés, que persegue mellorar o coñecemento dos escolares en comida equilibrada, saúde e seguridade alimentaria.
Cool food planet está concibida para lles permitir aos alumnos e alumnas de entre seis e 12 anos explorar eles sós os xogos online de alimentación, pero tamén para que os profesores atopen estimulantes recursos didácticos cos que apoiar os seus contidos de nutrición na aula.
Este portal está formado por dous sitios web distintos, en función do grupo de idade dos nenos e nenas: de seis a oito anos ou de nove a 12 anos. Ademais, desde o planeta Cool Food é posible acudir a distintas galaxias temáticas: comida saudable, nutrición e saúde.
Os xogos interactivos que inclúe son enxeñosos e orixinais, desde instrucións para crear cultivos divertidos ata ocorrentes propostas para aprender a utilizar os cubertos (un xogo de tiracroios con garfo), pasando pola illa do exercicio, onde os escolares aprenderán a importancia da práctica de deporte.
Os recursos educativos da Escola de Alimentación inclúen unha coidada selección de libros, contos, xogos, apps, vídeos, cómics, xogos interactivos e infografías para traballar a alimentación saudable e o fomento do deporte cos escolares, dende a educación infantil ata o bacharelato.
Este material externo, dispoñible na web, proporciónalles aos profesores e educadores novos recursos periódicos escollidos polo equipo da Escola, co fin de lles transmitir a importancia dunha vida sa aos seus alumnos e alumnas, do xeito máis divertido e didáctico.
Cool food planet
Idade:
Escolares de entre seis e 12 anos.
Idioma do recurso:
Inglés
Valores que traballa:
Comida saudable e seguridade alimentaria.
Enlace:
Descrición:
Compartir
