Gro Garden é unha aplicación educativa para móbiles e tabletas que lles vai ensinar aos escolares de infantil e cursos iniciais de primaria os fundamentos básicos do funcionamento da horta escolar e da agricultura ecolóxica.
Este interesante recurso didáctico amósalles aos escolares a importancia de coidar o solo da horta da escola, co fin de manter a súa fertilidade; e mais o modo de elaborar compost orgánico cos residuos vexetais obtidos tras a colleita.
A app tampouco se esquece de promover os hábitos de comida saudable entre os nenos e nenas, e contén xogos nos que hai que alimentar a divertidos personaxes animados cos vexetais recollidos na horta.
En resumo: un interesante recurso educativo que lles vai permitir aos profesores achegarlles os fundamentos máis básicos da agricultura ecolóxica aos alumnos e alumnas, así como fomentar o consumo de vexetais e froitas.
